Cidec - Berrikuntza eta Gizarte Garapena

1990ean, enpresa- eta unibertsitate-alorreko ikertzaile eta aholkulari talde batek CIDEC sustatu eta eratu zuten. Pixkanaka-pixkanaka, sorrerako talde hori zabalduz joan zen eta, era dinamikoan, nazioko eta nazioarteko adituak hartu zituen bere baitan, bazkide zientifiko edo ohorezko bazkide gisa.

CIDEC -irabazi-asmorik gabeko erakundea- enplegu-, prestakuntza- eta gizarte garapenaren alorrean hausnarketa estrategikoak egin eta berrikuntza eta jokabide egokiak bultzatzeko eremu irekia da. Beraren asmoen artean dago Batasun Europarraren eta Latinoamerikaren artean ezagutza sortu eta transferitzea.  

Giza Kapitalaren Kudeaketa eta Garapena, Prestakuntza, bizitzan zeharreko gaitasun profesionalak eta orientazioa, eta Berrikuntza eta Gizarte Garapena dira gure lan-ildo nagusiak.